Litva zakryje dva pierachody na miažy ź Biełaruśsiu na nastupnym tydni
Zakryć punkty «Šumskas» (ź biełaruskaha boku — Łoša) i «Ćviaračus» (Vidzy) płanujuć 15 žniŭnia.
09.08.2023 / 15:11
Punkt «Vidzy» sumiežny ź Ćviaračusam. Fota: Viciebskaja mytnia
Kiraŭnik Słužby achovy dziaržaŭnaj miažy Litvy Rustam Lubajeŭ skazaŭ, što za pieršyja 6 miesiacaŭ 2023 hoda ŭ Litvu pryjechali 800 000 biełarusaŭ. Jon zaŭvažyŭ, što, niahledziačy na niebiaśpieku, pra jakuju papiaredžvaje Departamient dziaržbiaśpieki i MZS Litvy, za hety čas Biełaruś naviedali 230 000 hramadzian Litvy, piša Delfi.lt.
«Kali kazać u cełym pra pierasiačeńnie litoŭska-biełaruskaj miažy, to ŭ pieršyja 6 miesiacaŭ hetaha hoda praz KPP u abodvuch napramkach prajechali 2 młn pasažyraŭ. Kali kazać kankretna pra hramadzian Biełarusi, ich było 830 000. Bolšaść ź ich źjechali nazad — prykładna stolki ž, kolki zajechali. Što tyčycca hramadzian Litvy, to za paŭhoda ŭ Biełaruś vyjazdžali 230 000 čałaviek», — skazaŭ Rustam Lubajeŭ.
Jon taksama skazaŭ, što buduć zakrytyja KPP Šumskas i Ćviaračus.
«Zakryćcio hetych KPP nie vielmi mocna paŭpłyvaje na ruch hruzavoha transpartu, pakolki praz nazvanyja pamiežnyja punkty prajazdžaje albo pusty hruzavy transpart, albo hramadzianie», — čarhovy raz adznačyŭ Lubajeŭ.
Čytajcie taksama:
Litva pierakinie na miažu ź Biełaruśsiu dadatkovuju kolkaść vajskoŭcaŭ