Zrynutaha prezidenta Nihiera buduć sudzić za dziaržzdradu
Miaciežniki paśla pieravarotu pryhrazili zabić Bazuma, kali inšyja krainy pasprabujuć ažyćciavić interviencyju.
14.08.2023 / 06:59
Prezident Nihiera Machamied Bazum na finansavym samicie ŭ Paryžy ŭ červieni 2023 hoda. Fota: Ludovic Marin / AP
Nihierski prezident Machamied Bazum budzie pieraśledavacca ŭ sudovym paradku za dziaržaŭnuju zdradu i padryŭ biaśpieki krainy, zajaviŭ pradstaŭnik Nacyjanalnaj rady pa abaronie Radzimy pałkoŭnik Amadu Abdramanie, piša RBK sa spasyłkaj na France24.
«Urad Nihiera sabraŭ <…> dokazy dla sudovaha pieraśledu zrynutaha prezidenta i jaho miascovych i zamiežnych saŭdzielnikaŭ pierad kampietentnymi nacyjanalnymi i mižnarodnymi orhanami za dziaržaŭnuju zdradu i padryŭ unutranaj i źniešniaj biaśpieki Nihiera», — skazaŭ pałkoŭnik.
Raniej jon kazaŭ, što pieravarot źviazany z «paharšeńniem situacyi ŭ halinie biaśpieki i drennym ekanamičnym i sacyjalnym kiravańniem».
Miaciežniki paśla pieravarotu pryhrazili zabić Bazuma, kali inšyja krainy pasprabujuć ažyćciavić interviencyju.
Jak raspaviadaŭ ambasadar Nihieryi ŭ ZŠA Mamadu Kiary Liman-Tynhuiry, zrynutamu prezidentu nie prynosiać praduktaŭ i nie zabiaśpiečvajuć jaho elektryčnaściu i hazam dla hatavańnia ježy, jon utrymlivajecca ŭ nieaśvietlenym padvale svajoj rezidencyi.
«Płan kiraŭnika chunty palahaje ŭ tym, kab zamaryć jaho hoładam», — adznačyŭ dypłamat.
Čytajcie taksama:
Ci zdolnaja ECOWAS zadušyć prarasijskuju chuntu Nihiera? Analizujem
Zrynutaha prezidenta Nihiera trymajuć u izalacyi, jon charčujecca suchim rysam i makaronaju
Chunta Nihiera zajaviła, što Francyja niepasredna atakavała armiju krainy