Sistema mižnarodnych pieravodaŭ WebMoney abmiežavała pasłuhi dla biełarusaŭ
U Biełarusi ciapier nielha papoŭnić kašalok WebMoney u biełaruskich rublach. Z 21 žniŭnia biełarusam dastupny tolki vyvad srodkaŭ u sistemie, pryčym na heta adviali peŭny termin, piša «Lusterka».
22.08.2023 / 16:56
Papaŭnieńnie kašalka WebMoney ŭ Biełarusi bolš niedastupna. Na praciahu troch miesiacaŭ z momantu ŭviadzieńnia źmianieńniaŭ — to-bok z 21 žniŭnia — možna tolki vyvodzić srodki z elektronnaha kašalka. Adkryć novy kašalok pakul taksama niemahčyma.
Abmiežavańnie aficyjna źviazana z praviadzieńniem techničnych rabot, ale ci adnovicca paśla praca WebMoney ŭ poŭnym abjomie, u kantakt-centry sistemy nie viedajuć.
U toj ža čas zajaŭlajecca, što WebMoney maje namier dalej pracavać jak płaciežnaja sistema Biełarusi.
«Kampanija WebMoney praciahvaje svaju pracu jak płaciežnaja sistema ŭ Respublicy Biełaruś. U najbližejšy čas novaja płaciežnaja sistema vebmani budzie ŭniesiena ŭ rejestr płaciežnych sistem RB, — paviedamlaje kampanija. — Usie klijenckija prahramy vebmani (Keeper, Enum i inšyja) praciahnuć svaju pracu ŭ zvyčajnym štatnym režymie».
Choć raniej užo była infarmacyja, što z 21 žniŭnia prypyniajecca emisija elektronnych hrošaj u sistemie WebMoney.
Čytajcie taksama:
«Biełkart» upieršyniu za 10 hadoŭ abnaviła łahatyp
Čyhunačnyja kvitki možna ciapier nabyć z dapamohaj jašče adnoj płaciežnaj sistemy
«Bajsoł» pačaŭ rabić rassyłki danataram. U ludziej uźnikli pytańni da biaśpieki takich listoŭ