Zabłakavali try jutub-kanały — sa Šrajbmanam, Čarnucham i Suhak
Siońnia ŭnačy zabłakavali try jutub-kanały — «Hadzińničak cikaje», «Mnie taksama nie padabajecca» i «Ministerstva siepultury».
23.08.2023 / 13:09
Padčas dyskusii na kanale «Mnie taksama nie padabajecca». Skryn videa
«Mnie taksama nie padabajecca» — prajekt žurnalistki i byłoj redaktarki The Village Belarus (jakoje niadaŭna prypyniła pracu) Jaŭhienii Suhak. Kožny vypusk pryśviečany peŭnaj temie, jakuju abmiarkoŭvajuć zaprošanyja hości.
«Ministerstva siepultury» — kanał muzyčnaha žurnalista Alaksandra Čarnuchi (i aŭtara knihi «Śvińni»), dzie jon raskazvaje pra fienomieny i naviny biełaruskaj muzyki.
«Hadzińničak cikaje» — samy novy z prajektaŭ. Heta farmat tok-šou, dzie viadučyja Jaŭhienija Suhak, Arciom Šrajbman i Ryhor Astapienia abmiarkoŭvajuć apošnija padziei.
«Techničny momant», — patłumačyŭ błakiroŭku «Našaj Nivie» žurnalist Alaksandr Čarnucha.
Jon dadaŭ, što kamanda sprabuje vyrašyć pytańnie. Strajk jaho kanału nie kidali, nakolki viadoma kamandzie.
YouTube pry sprobie zajści na kanały piša, što jany niedastupnyja, bo atrymali skarhi na parušeńnie aŭtarskich pravoŭ.