«Inter Majami» vyjhraŭ usie vosiem matčaŭ ź Miesi, zabiŭšy 25 hałoŭ. Try z vaśmi pieramoh — pa pienalci
«Inter Majami» pakul jašče nie prajhravaŭ ź Lijanelem Miesi ŭ składzie.
24.08.2023 / 08:52
Miesi pierajšoŭ u «Inter Majami» paśla 18-ci siezonaŭ u «Barsiełonie» i dvuch siezonaŭ u PSŽ. Fota: Hector Vivas / Getty Images
Kamanda z Fłarydy praviała vosiem matčaŭ z momantu debiutu arhiencinskaha forvarda, piša sports.ru.
«Inter» damohsia vaśmi pieramoh. U troch z vaśmi matčaŭ «Majami» braŭ vierch nad svaim supiernikam tolki ŭ vyniku sieryi pienalci.
Ź Miesi ŭ składzie «Inter» abyhraŭ «Krus Asul» (2:1), «Atłantu» (4:0), «Arłanda Sici» (3:1), «Dałas» (4:4, pa pienalci — 5:3), «Šarłat» (4:0), «Fiładelfiju» (4:1), «Nešvił» (1:1, pa pienalci — 10:9) i «Cyncynaci» (3:3, pa pienalci — 5:4).
«Majami» zabiŭ 25 hałoŭ u čužyja varoty ŭ hulniavy čas matčaŭ z udziełam 36-hadovaha arhiencinca. Kłub zavajavaŭ adzin trafiej (Kubak MLS+MX) i vyjšaŭ u finał Kubka ZŠA — turniru, jakomu ŭžo bolš za 100 hadoŭ.
A voś u čempijanacie ZŠA (MŁS) spravy ŭ kłuba dreń. Jon zajmaje apošniaje miesca, adstajučy ad zony płej-of na 14 bałaŭ. Miesi debiutuje ŭ čempijanacie ZŠA 27 žniŭnia. «Inter Majami» sustreniecca z «Ńju-Jork Red Bułz».
Čytajcie taksama:
Lijanel Miesi staŭ samym tytułavanym hulcom u historyi futboła
UEFA nazvała trojku pretendentaŭ na zvańnie hulca siezona 2022-2023