Hviniet Pełtraŭ zdaje dom praz Airbnb. Klučy zorka Halivuda addaść asabista
Amierykanskaja aktrysa i biznesvumien Hviniet Pełtraŭ zdaje svoj haściavy dom na sajcie arendy žylla Airbnb. 9 vieraśnia jana asabista sustreniecca z dvuma ščaśliŭčykami, jakija buduć žyć u jaje katedžy, kab uručyć im klučy, piša Delfi.lv.
25.08.2023 / 14:28
Rekłamnaje fota
Nievialikaja viła raźmieščana ŭ Mantesita (Kalifornija). Dla Pełtraŭ heta miesca adpačynku i dušeŭnaj jasnaści: «Ja pryjazdžaju tudy, kab pierazaradzić svaje batarejki, uźjadnacca ź siamjoj i siabrami».
Rezidencyja sprajektavanaja jak sapraŭdny kutok spakoju, adkul adkryvajecca zachaplalny vid na hory.
Dom raźmieščany pasiarod lasnoha masivu. Interjer vykanany ŭ styli minimalizmu. Na terytoryi jość basiejn, terasa i hryl-barbiekiu.
U jakaści bonusa dva ščaśliŭčyki zmohuć pasprabavać kaśmietyčnyja srodki ad brenda Goop, jaki naležyć aktorcy, i atrymać asałodu ad pryvatnaha sieansa miedytacyi.
Čytajcie taksama:
Va ŭzroście 36 hadoŭ pamior akcior «Hulni tronaŭ». U jaho była nievylečnaja chvaroba