Kiprski «Arys» biełarusa Alaksieja Špileŭskaha zhulaje ŭ hrupavym raŭndzie Lihi Jeŭropy
Čempijon Kipra ŭ matčy płej-of kvalifikacyi Lihi Jeŭropy pieramoh słavacki «Słovan» z Bracisłavy.
31.08.2023 / 21:59
Zaŭziatary «Arysa». Fota: telehram-kanał kłuba
U pieršym matčy słavaki ŭ siabie doma vyjhrali 2:1, a siońnia «Arys» razhramiŭ słavakaŭ 6:2.
«Arys» treniruje biełarus Alaksiej Špileŭski, vałodaje kłubam biełaruski biznesoviec Uładzimir Fiodaraŭ. Za kłub taksama hulaje biełarus Arciom Šumanski, praŭda, siońnia jaho nie było ŭ zajaŭcy na matč.
Mienavita «Arys» vybiŭ u druhim raŭndzie kvalifikacyi Lihi čempijonaŭ barysaŭski BATE. Pieršy matč skončyŭsia razhromam 6:2, u druhim matčy było 5:3.
U trecim raŭndzie «Arys» sastupiŭ čempijonu Polščy «Rakuvu» (pieršy matč — 1:2, 0:1) i vylecieŭ u kvalifikacyju Lihi Jeŭropy, dzie i zdoleŭ prajści «Słovan».
Losavańnie hrupavoj stadyi Lihi Jeŭropy, jak i Lihi kanfierencyj adbudziecca ŭ piatnicu.
Čytajcie taksama:
Biełarus pryvioŭ «Arys» da załatych miedaloŭ čempijanatu Kipra
Trenier «Arysa»: Prabačcie, ja taksama biełarus, mnie horka, kryŭdna za svaju krainu