Pad Mahilovam padletki kinuli «kaktejl Mołatava» ŭ kvateru piensijanierki. Vyjaviłasia, što jany pamylilisia adrasam
U Mahiloŭskim rajonie miascovyja apieratyŭniki pry padtrymcy AMAPa zatrymali 15 i 17-hadovaha minčukoŭ, jakija, jak śćviardžajecca, pracavali na narkamarkiet. Padletki pa zadańni najmalnika nibyta pryjechali ź Minska, kab pakarać zakładčyka, jaki nie vykanaŭ zadańnie kuratara, paviedamlaje MUS.
02.09.2023 / 17:11
Vyrabiŭšy zapalnuju sumieś, chłopcy kinuli jaje ŭ akno kvatery, zdymajučy toje, što adbyvajecca, na videa dla spravazdačy pierad pracadaŭcam. Ale paźniej vyśvietliłasia, što jany pamylilisia adrasam i napali na žyllo piensijanierki, jakaja była da hetych spraŭ uvohule ni pry čym.
Žančyna samastojna patušyła ŭzharańnie, paciarpiełych u vyniku nie było, a ahniom była tolki častkova paškodžanaja padłoha.
Ciapier suprać padletkaŭ zaviali kryminalnuju spravu za naŭmysnaje źniščeńnie albo paškodžańnie čužoj majomaści, ździejśnienaje ahulnaniebiaśpiečnym sposabam. Hety artykuł praduhledžvaje da 10 hadoŭ pazbaŭleńnia voli.
Čytajcie taksama:
Pasažyr aŭtobusa prahłynuŭ na miažy źmieściva svajho kašalka, ale heta jamu nie dapamahło
Litoŭca asudzili da 15 hadoŭ kałonii za pieravoz u Biełaruś narkotykaŭ
Na litoŭska-biełaruskaj miažy zatrymali žančynu z kanaplanaj harbataj