Biełdziaržcharčpram zapeŭnivaje, što cukar daražeć nie budzie
Uradžaj cukrovych burakoŭ vielmi dobry.
12.09.2023 / 11:55
Fota: «Minskaja praŭda»
Cana cukru zastaniecca ŭ Biełarusi na raniejšym uzroŭni, pavyšać jaje nie płanujuć. Pra heta ŭ efiry STB raspavioŭ Aleh Žydkoŭ, staršynia kancerna «Biełdziaržcharčpram», paviedamlaje Blizko.by.
Ciapier, pavodle jaho słoŭ, niama nieabchodnaści karektavać ceńniki na hety tavar. U krainie poŭnym chodam idzie ŭborka cukrovych burakoŭ. Z ulikam umoŭ nadvorja, jakija składvajucca na karyść ahraryjaŭ, płanujecca sabrać nie mienš za 5 miljonaŭ ton. Heta, u svaju čarhu, dazvolić vyrabić kala 600 tysiač ton cukru.
— Užo try zavody ŭ nas zapuščanyja, jakija vyrablajuć cukar novaha ŭradžaju, — adznačyŭ Aleh Žydkoŭ. — Kali kazać pra ŭradžajnaść, to my ŭ pieršyja dni kopki ŭžo atrymali vynik, jaki ŭ paŭtara razu pieravyšaje letašnija ličby. I ŭ cełym my aceńvajem stan pasievaŭ jak dobry.
Zapasaŭ sałodkaha «piasku», pavodle acenak ekśpiertaŭ kancerna, chopić i na patreby ŭnutranaha rynku, i na ekspart. Aleh Žydkoŭ dadaŭ, što charčovy rynak adnosna cukru ciapier stabilny i budzie zabiaśpiečany na 100%.
Ciapier u «Je-dastaŭcy» cukar kaštuje 2 rubli 69 kapiejek za kiłahram, rafinad — 2,89 rubla za 500 hramaŭ.