Ukrainskija vojski vyzvalili Andrejeŭku kala Bachmuta — Malar
Uzbrojenyja siły Ukrainy majuć pośpiech na Bachmuckim kirunku. Jany vyzvalili nasieleny punkt Andrejeŭka, što znachodzicca za 10 km na poŭdzień ad Bachmuta, i zamacoŭvajucca na zaniatych pazicyjach, cytuje namieśnicu ministra abarony Ukrainy Hannu Malar piša «Ukrainskaja praŭda».
14.09.2023 / 16:47
Andrejeŭka na karcie abviedzienaja čyrvonym
«Asnoŭnyja bai praciahvajucca ŭ rajonach Andrejeŭki, Kurdziumaŭki, Klaščejeŭki. I ŭ nas tam dobryja naviny. Andrejeŭka naša. Zamacoŭvajemsia na zaniatych pazicyjach», — zajaviła Hanna Malar.
Pavodle jaje słoŭ, Uzbrojenyja siły Ukrainy na Bachmuckim kirunku praciahvajuć ruch napierad. Praŭda, na paŭnočnym fłanhu vorah sprabuje adbić stračanyja pazicyi, ale «na paŭdniovym my paśpiachova prasoŭvajemsia», — dadała čynoŭnica.
11 vieraśnia Malar paviedamlała, što USU majuć peŭny pośpiech u rajonie Klaščejeŭki i Andrejeŭki na Bachmuckim kirunku, za minuły tydzień udałosia vyzvalić tut 2 kv. km terytoryi.
Čytajcie taksama:
Ukraincy prasunulisia ŭ rajonie Klaščejeŭki i Andrejeŭki kala Bachmuta
Dzianis Urbanovič atrymaŭ piataje ranieńnie
Ukraincy majuć pośpiech u rajonie Vierbavoha ŭ Zaparožskaj vobłaści