Макс Ферстапен стаў трохразовым чэмпіёнам «Формулы-1»
На Гран-пры Катара пілот «Рэд Бул» Макс Ферстапен яшчэ падчас заезду змог забяспечыць сабе трэці тытул чэмпіёна «Формулы-1» з-за аварыі свайго напарніка, мексіканца Серхіа Перэса.
07.10.2023 / 21:32
Макс Ферстапен рыхтуецца да гонкі перад спрынтам на Гран-пры Катара. Фота: Mark Thompson / Getty Images
Перэс заставаўся адзіным пілотам, які захоўваў ілюзорныя шанцы на перамогу ў чэмпіянаце-2023.
На яго рахунку за шэсць этапаў да канца чэмпіянату было 223 балы, Макс апярэджваў яго на 177 балаў, у розыгрышы чэмпіянату заставалася 180 ачкоў.
Ферстапен быў чэмпіёнам «Формулы-1» у 2021 і 2022 гадах.
Абсалютнымі чэмпіёнамі гонак з'яўляюцца Міхаэль Шумахер і Льюіс Хэмілтан, у якіх па сем тытулаў. Прычым Хэмілтан яшчэ ганяе, зараз ён ідзе на трэцім месцы ў агульным заліку.
Чытайце таксама:
У Філадэльфіі мужчына спрабаваў трапіць на бейсбольны матч разам са сваім алігатарам
Арына Сабаленка вылецела з Адкрытага чэмпіянату Кітая па тэнісе