Егіпет адхіліў ідэю стварэння калідораў для бежанцаў з сектара Газа
Матывы Каіра ў тым, каб абараніць «права палесцінцаў адстойваць сваю справу і сваю зямлю».
12.10.2023 / 08:35
Параненага палесцінца дастаўляюць у шпіталь. Фота: Mahmoud Essa / AP
Егіпет абмяркоўваў з ЗША і іншымі краінамі планы па дастаўцы гуманітарнай дапамогі праз мяжу з сектарам Газа, аднак на гэты момант адхіліў любыя меры па стварэнні бяспечных калідораў для бежанцаў, якія пакідаюць рэгіён, паведамляе тэлеканал «Дождь» са спасылкай на Reuters.
Матывы Егіпта ў тым, каб абараніць «права палесцінцаў адстойваць сваю справу і сваю зямлю».
Дарадца прэзідэнта ЗША па нацыянальнай бяспецы Джэйк Саліван 11 кастрычніка паведаміў аб працягу кансультацый з Ізраілем і Егіптам з нагоды перавозкі мірных жыхароў Газы, якія пацярпелі напад з боку ізраільскай арміі.
Тым часам Армія абароны Ізраіля (ЦАХАЛ) дала справаздачу ноччу аб працягу абстрэлаў пазіцый ХАМАС у сектары Газа.
Пасля нападу баевікоў ХАМАС міністр абароны Ізраіля Яаў Галант аддаў загад аб поўнай блакадзе сектара Газа. Напярэдадні ў рэгіёне праз недахоп паліва спыніла працу адзіная электрастанцыя.
Чытайце таксама:
Прэм'ер Ізраіля: Кожны член ХАМАС — гэта мярцвяк
Адзіная электрастанцыя сектара Газа спыніла працу
У Ізраілі ў баі з ХАМАС загінула 25-гадовая ўраджэнка Беларусі. Яна працавала ў паліцыі
Беларуская прапаганда ўкінула ідэю, што ізраільцянаў хочуць перасяліць ва Украіну