Ivacevicki rajvykankam abharadzili kalučym drotam, supraćtankavymi vožykami i miaškami ź piaskom
18 kastryčnika ŭ Ivacevickim rajonie projduć płanavyja mabilizacyjnyja vučeńni, paviedamlaje miascovy kanał.
16.10.2023 / 17:03
18 kastryčnika ŭ Ivacevickim rajonie projduć płanavyja mabilizacyjnyja vučeńni. Usie fota: ivatsevichynews / Telegram
Metaj vučeńniaŭ zjaŭlajecca pravierka hatoŭnaści miascovych orhanaŭ ułady, inšych dziaržaŭnych orhanaŭ i arhanizacyj pa vykanańni mabilizacyjnych zadańniaŭ.
Pravierka hatoŭnaści projdzie navat z hienieralnaj repietycyjaj 17 kastryčnika.
18 kastryčnika «ŭ suviazi z prybyćciom słužbovaha transpartu słužbovych asob, jakija ŭdzielničajuć u mierapryjemstvie, budzie ažyćciaŭlacca rehulavańnie darožnaha ruchu na ŭčastkach niekatorych vulic u Ivacevičach i Kosava», paviedamlajuć miascovyja ŭłady.
Usio heta «nie pavinna vyklikać zaniepakojenaści ŭ haradžan», miarkujuć jany.