CHAMAS vyzvaliŭ dźviuch zakładnic. Jany vyhladajuć vielmi zmučanymi
U zakładnikach u CHAMAS zastajecca jašče 201 čałaviek, los hetych ludziej nieviadomy.
21.10.2023 / 07:27
Natali i Džudzit Raanan. Fota: Govt of Israel
CHAMAS vyzvaliŭ Džudzit Raanan i jaje 17-hadovuju dačku Natali — amierykanak, zachoplenych 7 kastryčnika pry napadzie na kibuc Nachal-Oz, piša Bi-bi-si.
Džudzit i Natali prylacieli ŭ Izrail sa Złučanych Štataŭ, kab adśviatkavać 85-hodździe Tamar Raanan, maci Džudzit, a taksama zakančeńnie Natali siaredniaj škoły.
Maci z dačkoj płanavali palacieć dadomu ŭ ZŠA raniej, ale pamianiali rejs, kab zastacca ŭ Izraili daŭžej.
Pasiarednikami ŭ ich vyzvaleńni vystupili Katar i Mižnarodny kamitet Čyrvonaha Kryža.
Tamar Raanan i jaje partnior Jechiel vyžyli, schavaŭšysia ŭ svaim biaśpiečnym pakoi doma ŭ Nachal-Oz, dzie byli vyratavanyja sałdatami CACHAŁ.
Jašče vosiem ich siamiejnikaŭ u kibucy Bieery ličacca źnikłymi, zabityja dvoje siamiejnikaŭ i sacyjalny rabotnik, jaki dahladaŭ adnaho ź ich. Piaciora, jak miarkujecca, znachodziacca ŭ zakładnikach.
Paśla dvuch ciažkich tydniaŭ, poŭnych žachu i niavyznačanaści, vyzvaleńnie Džudzit i Natali Raanan stała momantam palohki i radaści.
Na fatahrafii, apublikavanaj paśla taho, jak žančyny akazalisia ŭ biaśpiečnym miescy, jany vyhladajuć vielmi zmučanymi.
Jak ich udałosia vyzvalić? Ułady Katara zajavili, što heta adbyłosia paśla «mnohich dzion bieśpierapynnaj kamunikacyi».
Ministerstva zamiežnych spraŭ zajaviła, što spadziajecca, što dyjałoh pryviadzie da vyzvaleńnia i inšych zakładnikaŭ.
Džo Bajden, jaki nie chavaŭ radaści, padziakavaŭ Kataru i Izrailu za «ich partniorstva ŭ hetaj pracy».
Mark Rehieŭ, staršy daradca premjer-ministra Izraila Bińjamina Nietańjachu, pryznaŭ, što dypłamatyja adyhrała svaju rolu, ale dadaŭ, što da vyzvaleńnia zakładnikaŭ taksama pryviała vajennaja moc Izraila.
Zaraz jość nadzieja, što nieŭzabavie buduć vyzvalenyja i inšyja zakładniki, asabliva pažyłyja ludzi i dzieci.
U zakładnikach u CHAMAS zastajecca jašče 201 čałaviek, los hetych ludziej nieviadomy.
Čytajcie taksama:
Ministr abarony Izraila nazvaŭ try etapy vajny z CHAMAS
Padčas ataki CHAMAS zahinuła 12-hadovaja dziaŭčynka, pra jakuju raskazała Džaan Roŭlinh