Biełarusku adpravili ŭ hadavy palot na Miesiac. Ale jość niuans
Biełaruska Volha Maścickaja adpraviłasia ŭ imitacyjny palot na Miesiac, jaki zojmie 365 sutak, paviedamili «RIA Novosti». Naziemny izalacyjny ekśpierymient prachodzić u Instytucie miedyka-bijałahičnych prablem RAN u Maskvie.
14.11.2023 / 17:10
Šeść členaŭ ekipažu praviaduć u ekśpierymientalnaj ustanoŭcy ceły hod, zmadelujuć niaštatnyja situacyi i piać razoŭ «vysadziacca» na nibyta spadarožnik Ziamli.
U ekśpierymiencie ŭdzielničajuć šeść čałaviek: 5 rasijan i adna biełaruska — małodšy navukovy supracoŭnik Instytuta fizika-arhaničnaj chimii NANB Volha Maścickaja. Raniej jana brała ŭdzieł u adbory biełaruskich kasmanaŭtak na palot na MKS, jaki adbudziecca ŭ sakaviku 2024 hoda. Pieramahła ŭ tym adbory Maryna Vasileŭskaja.
Volha Maścickaja — krajniaja źleva. Fota: Mižnarodny prajekt SIRIUS / UKantakcie
Udzielniki ekśpierymientu roŭna hod buduć znachodzicca ŭ izalavanym ekśpierymientalnym kompleksie prajekta SIRIUS-23, jaki imituje kaśmičny karabiel. Pavodle scenaru, ekipaž za čaćviora sutak «dabiarecca» da miesiacovaj arbity, paśla čaho «prystykujecca» da arbitalnaj stancyi. Praź miesiac da ich pavinien «prybyć» transpartny karabiel dazabieśpiačeńnia.
Płanujecca, što «kasmanaŭty» buduć piać razoŭ źbiracca ŭ hrupy pa čatyry čałavieki i «vysadžvacca» na pavierchniu Miesiaca. Padčas misii ŭdzielniki praviaduć roznyja daśledavańni. Akramia taho, adbuducca 18 ekśpierymientaŭ pa psichałohii i 11 — pa mikrabijałohii. Taksama dla ekipaža zmadelujuć niaštatnyja situacyi.
U žniŭni hetaha hoda rasijanie sprabavali zapuścić na Miesiac aŭtamatyčnuju mižpłanietnuju stancyju «Łuna-25», ale pry pierachodzie jaje na pieradpasadačnuju arbitu adbyłasia niaštatnaja situacyja, stancyja syšła z arbity i raźbiłasia.
Čytajcie taksama:
Čamu ŭsie krainy sprabujuć asvoić mienavita paŭdniovy polus Miesiaca? Što tam takoha?
NASA apublikavała zdymki miesca padzieńnia rasijskaj stancyi na Miesiacy
Raskosmas paćvierdziŭ hibiel stancyi «Łuna-25»
Rasijskaja stancyja, zapuščanaja na Miesiac, raźbiłasia ab jaho pavierchniu i spyniła isnavańnie