Cichanoŭskaja vystupiła na najbujniejšaj technakanfierencyi Web Summit. Jana raspaviała pra biełaruskija «Hajun» i «Hołas»
Na adnoj z samych upłyvovych technałahičnych kanfierencyj Jeŭropy, dzie Cichanoŭskaja vystupiła na zaprašeńnie premjer-ministra Partuhalii, jana raspaviała pra rolu technałohijaŭ u biełaruskim supracivie.
16.11.2023 / 12:27
Śviatłana Cichanoŭskaja vystupiła na najbujniejšaj technałahičnaj kanfierencyi ŭ Jeŭropie Web Summit u Partuhalii. Fota: ofis palityka
U jakaści prykładaŭ Cichanoŭskaja pryviała płatformu «Hołas» i płatformy dla kraŭdfandynhu, a taksama «Biełaruski hajun», «Novuju Biełaruś» dy inšych.
Cichanoŭskaja zaklikała technałahičnyja kampanii akazvać padtrymku biełaruskim niezaležnym miedyja, błohieram i žurnalistam.
Śviatłana Cichanoŭskaja vystupiła na najbujniejšaj technałahičnaj kanfierencyi ŭ Jeŭropie Web Summit u Partuhalii. Fota: ofis palityka
Asobna demakratyčnaja lidarka zaklikała ŭdzielnikaŭ padtrymlivać Ukrainu dla jaje pieramohi ŭ vajnie. Jana ličyć, što hetaja pieramoha moža dać šaniec i na pieramieny ŭ Biełarusi, paviedamlaje štab palityka.