Прапаў сабака прэзідэнта Грузіі
Саламэ Зурабішвілі паведаміла пра знікненне ў цэнтры Тбілісі свайго сабакі Гамбара.
21.11.2023 / 12:37
Фота з тэлеграм-канала Саламэ Зурабішвілі
«Згубіўся Гамбара ў ваколіцах «Мзіуры» (парк у цэнтры Тбілісі на праспекце Чаўчавадзэ). На ім шэры ашыйнік», — напісала Зурабішвілі ў фэйсбуку, указаўшы нумар тэлефона.
У красавіку 2019 года Зурабішвілі ўпершыню апублікавала ў сацсетцы фатаграфію сабакі, якому на той момант было сем месяцаў.
Яна знайшла яго на горным перавале Гамбары падчас выбарчай кампаніі і назвала яго гэтым імем. Пазней неаднаразова з'яўляліся кадры, як прэзідэнтка выгульвае сабаку паблізу сваёй рэзідэнцыі.
Чытайце таксама: