У Мінск прыляцеў Сяргей Шайгу
Міністр абароны Расіі прыляцеў на саміт Арганізацыі дамовы аб калектыўнай бяспецы.
22.11.2023 / 16:03
Сяргей Шайгу. Фота: Sergey Fadeichev, Sputnik, Kremlin Pool Photo via AP
Сёння ў 15:35 на аэрадроме «Мачулішчы» прызямліўся борт, які належыць Міністэрству абароны РФ і абсталяваны спецыяльным бартавым вузлом сувязі СБУС-214, паведамляе Motolkohelp.
Паводле інфармацыі Motolkohelp, на ім у Мінск прыбыў кіраўнік Мінабароны Сяргей Шайгу для ўдзелу ў саміце АДКБ.
Таксама ў Беларусь ужо прыбылі прадстаўнікі Казахстана, Таджыкістана і Кыргызстана, а Арменія, як паведамлялася, адмовілася ад удзелу.
Саміт АДКБ пройдзе ў Мінску ў чацвер. У ім чакаецца ўдзел Уладзіміра Пуціна.