Turystaŭ u Biełarusi mienšaje, navat rasijanie znachodziać novyja kirunki
Ujazny turyzm sioleta ŭ paraŭnańni ź minułym hodam skaraciŭsia na 10-12 pracentaŭ. Tak aceńvajuć situacyju ŭ Respublikanskim sajuzie turystyčnaj industryi, u skład jakoha ŭvachodzić bolš za 160 roznych arhanizacyj. Ličbami padzialiŭsia staršynia praŭleńnia tursajuza Filip Huły na Sb.by.
29.11.2023 / 16:18
Fota ilustracyjnaje. Krynica: sacsietki
Filip Huły, praŭda, padkreśliŭ, što heta subjektyŭnyja acenki, zasnavanyja na asabistym analizie i nazirańniach, a aficyjnaja statystyka, jakaja idzie z zatrymkaj času, moža dać inšyja ličby.
Pavodle nazirańniaŭ Hułaha,
«mała ŭ kaho z abjektaŭ raźmiaščeńnia siaredniaja zahruzka ŭ hetym hodzie pieravyšała 75 pracentaŭ. Ale my razumiejem, što ŭ vialikaj kolkaści zahruzka nie pieravyšaje 50 pracentaŭ, u kahości nižejšaja za 45 pracentaŭ».
Pry hetym jon admysłova padkreślivaje, što nie biare tut u raźlik sanatoryi, u jakich z zahruzkaj usio narmalna.
Pryčyny źmianšeńnia papularnaści ŭ rasijan biełaruskaha kirunku Filip bačyć u tym, što ŭ Rasii, adkul u asnoŭnym turysty ŭ Biełaruś tolki i jeduć,
«za košt mier padtrymki haliny raście numarny fond — bolš čym na 15 pracentaŭ u 2023 hodzie ŭ paraŭnańni z 2022-m, adkryvajucca novyja vyjaznyja napramki: naprykład, Tajłand «pahłynuŭ» 2 młn rasijan».
Pry hetym maržynalnaść i rentabielnaść turpradpryjemstvaŭ, niahledziačy na skaračeńnie ahulnaj płyni turystaŭ, nibyta navat pavialičyłasia, to-bok ich dachody vyraśli, śćviardžaje Huły.
Čytajcie taksama:
Crowne Plaza Minsk zakryŭsia. Što adbyłosia i jaki sihnał atrymaŭ hatelny biznes
Ad 205 da 1500 rubloŭ: varyjanty sustreć Novy hod u «histaryčnym styli»
U minskich hatelach na navahodnija śviaty ŭžo zareziervavali pieravažnuju bolšaść numaroŭ