Sielanina z-pad Drahičyna znoŭ zatrymali
Uładalnik haspadarki ź vioski Ludvinava Drahičynskaha rajona Uładzimir Kazieka znoŭ byŭ zatrymany 28 kastryčnika. Doma ŭ jaho adbyŭsia pieratrus, taksama vyniali arhtechniku.
02.12.2023 / 10:08
Paśla pravierki telefona jaho zatrymali pa art. 19.11 č. 2 KaAP (raspaŭsiud ekstremisckaj infarmacyi) za staryja padpiski.
30 kastryčnika ŭ sudzie Ivanaŭskaha rajona jaho aryštavali na 15 sutak. Spravu razhladaŭ sudździa Mikałaj Stasievič. Z momantu zatrymańnia Uładzimira ŭtrymlivajuć u IČU Ivanaŭskaha rajona, piša «Viasna».
Uładzimira raniej zatrymlivali 9 maja 2023 hoda na pamiežnym pierachodzie Terespal—Brest, kali jon viartaŭsia ŭ Biełaruś. Tady jaho trojčy zapar sudzili pa č.2 art. 19.11 KaAP. U červieni jon vyjšaŭ na volu paśla 43 sutak aryštu. Paśla treciaha suda Uładzimir abviaściŭ haładoŭku i trymaŭ jaje, pakul nie vyjšaŭ na volu.
Adras dla padtrymki: IČU AUS Ivanaŭskaha rajona. Ivanava, vuł. Lenina, 17.
Čytajcie taksama:
Baćku Alaksieja Trubkina aryštavali na 15 sutak