Альфа Банк паказаў калекцыю адзення ў японскім стылі
У пятніцу, 1 снежня, Альфа Банк прадставіў новую калекцыю мерча. Гэтым разам ягоныя дызайнеры натхняліся эстэтыкай Японіі і філасофіяй самураяў. Alfa True Samurai ўвасобіла ідэю ў выглядзе прынтаў, складанага крою і ў каляровай палітры адзення, якую лепш убачыць, чым апісваць словамі, піша Myfin.by.
04.12.2023 / 20:24
«Пры стварэнні калекцыі асаблівую ўвагу мы надалі нетрывіяльнаму падыходу, складанаму крою і перапрацоўцы дэталяў касцюма самураяў у штодзённае адзенне. Запазычылі вядомыя матывы з японскіх гравюр XIX стагоддзя, шматслойнасць і вялікую колькасць прапрацаваных дэталяў у фурнітуры і прынтах. У гэтай калекцыі мы ўпершыню выкарыстоўвалі тканіны з выкарыстаннем нашага ўнікальнага тэкстыльнага дызайну», — расказала аб працы над мерчам дызайнерка Дар'я Палажанцава.
Банкаўскі мерч — нетыповая гісторыя для айчынных брэндаў, тым больш для банкаў. Але Альфа робіць гэта рэгулярна, здзіўляючы грамадскасць самымі нетрывіяльнымі спосабамі.
Год таму брэнд прадставіў першую калекцыю MOOORE, крыху пазней выйшаў дроп да love season і фестывальны — для Viva Braslav.
Чытайце таксама:
Хто ўвайшоў у спіс самых уплывовых жанчын года па версіі Financial Times