Finlandyja adkryje punkty propusku na miažy z Rasijaj
Finlandyja adkryje pamiežnyja pierachody na miažy z Rasijaj 14 śniežnia. Abmiežavańni, uviedzienyja praź vialikuju kolkaść prośbitaŭ prytułku, buduć źniatyja. Pra heta piša Yle.fi sa spasyłkaj na namieśnika kamandujučaha pamiežnaj słužby Paŭdniova-Uschodniaj Finlandyi Chiejki Achciajniena.
06.12.2023 / 20:27
Fota: Yle.fi
Pavodle słoŭ finskaha pamiežnika, demantaž zaharod na miažy zojmie niekalki hadzin, paśla hetaha ruch transpartu praź miažu budzie adnoŭleny praktyčna adrazu. Pry hetym, jak udakładniŭ Achciajnien, pamiežniki pakinuć niekalki aharodžaŭ — na vypadak, kali punkty propusku daviadziecca znoŭ zakryć.
Finskija ŭłady majuć namier «acanić situacyju» na miažy z Rasijaj paśla adkryćcia pamiežnych pierachodaŭ. Kali situacyja z napłyvam prośbitaŭ prytułku znoŭ paŭtorycca, abmiežavańni na ŭschodniaj miažy buduć padoŭžanyja.
Raniej usie pamiežnyja pierachody na rasijska-finskaj miažy byli zakrytyja ciaham listapada.
Čytajcie taksama:
U Rasii zadumalisia pra pierajmienavańnie Finskaha zaliva
Finlandyja całkam zakryvaje ŭschodniuju miažu
Finlandyja płanuje spynić pryjom prośbitaŭ prytułku na miažy z Rasijaj