Praviali pieratrus u Leanida Sudalenki
Praaabaronca i były palitviazień Leanid Sudalenka, jaki ciapier žyvie za miežami Biełarusi, paviedamiŭ u fejsbuku, što ŭ ahraharadku pad Homielem, dzie jon zarehistravany, pozna ŭviečary 12 śniežnia skončyŭsia pieratrus.
12.12.2023 / 23:29
Leanid Sudalenka
«Što šukali — nie kazali. Meblu ad ścien nie adsoŭvali, 990 tys. dalaraŭ pad kanapaj nie znajšli.
Zaŭtra, mabyć, pryjduć šukać «inšaje sadziejničańnie ekstremisckaj dziejnaści» ŭ haradskuju kvateru», — napisaŭ Sudalenka.
Były kiraŭnik homielskaha adździaleńnia pravaabarončaha centra «Viasna» ŭ listapadzie 2021 hoda byŭ asudžany da troch hadoŭ kałonii, vyjšaŭ na volu ŭ lipieni 2023-ha, całkam adbyŭšy termin. U listapadzie stała viadoma, što suprać jaho raspačali novuju kryminalnuju spravu pa artykule ab «sadziejničańni ekstremisckaj dziejnaści».
Čytajcie taksama:
Na Leanida Sudalenku zaviali novuju kryminalnuju spravu
Sudalenka: Pry mnie ŭ kałonii pamierła try čałavieki, a Uciuryn panibractvuje z načalnikam «Vićby»