Ziemlatrus na paŭnočnym zachadzie Kitaja. Bolš za 100 zahinułych
Ratavalniki ŭ maroz — pry tempieratury nižejšaj za -13°C — viaduć pošuki žyvych.
19.12.2023 / 07:53
Fota: Jia Shengyang / VCG via Getty Images
Prynamsi 118 čałaviek zahinuli i bolš za 250 paciarpieli ŭ vyniku ziemlatrusu, jaki adbyŭsia na paŭnočnym zachadzie Kitaja, piša Bi-bi-si.
Ziemlatrus adbyŭsia ŭ pravincyi Hańsu kala 00:00, u vyniku čaho byli paškodžanyja damy i abjekty infrastruktury jak u pravincyi Hańsu, tak i ŭ susiedniaj pravincyi Cynchaj.
Pa danych Hieałahičnaj słužby ZŠA (USGS), mahnituda ziemlatrusu skłała 6,2, hłybinia epicentra — 10 km.
Dziaržaŭnaje infarmacyjnaje ahienctva Sińchua paviedamlaje, što 100 čałaviek zahinuli i 96 paciarpieli ŭ pravincyi Hańsu, jašče 11 čałaviek zahinuli i 124 atrymali traŭmy ŭ pravincyi Cynchaj.
U rajon biedstva nakiravanyja kala 1,5 tys. pažarnych i ratavalnikaŭ.
U niekatorych rajonach rehijona parušana enierha– i vodazabieśpiačeńnie.
Druhi ziemlatrus byŭ zarehistravany ŭ pravincyi Sińczian.
Kitajski lidar Si Czińpin zajaviŭ, što «nieabchodna prykłaści ŭsie namahańni dla praviadzieńnia pošukava-vyratavalnych rabot, svoječasovaha lačeńnia paranienych i minimizacyi kolkaści achviar».
Kitaj raźmieščany ŭ rehijonie, dzie sychodziacca niekalki tektaničnych plit — u pryvatnaści, Jeŭrazijskaja, Indyjskaja i Cichaakijanskaja, — i asabliva schilny da ziemlatrusaŭ.
Čytajcie taksama:
Razburalny ziemlatrus u Niepale: užo bolš za 100 zahinułych
U Afhanistanie ŭ vyniku razburalnaha ziemlatrusu zahinuli 1300 čałaviek. Ź ich 90% žančyny i dzieci
U Słavakii adbyŭsia ziemlatrus. Šturški było čuvać va Ukrainie