U Prazie abrabavali biełaruskuju Kłuboŭniu. U joj šmat hadoŭ źbirajucca aktyvisty biełaruskaj dyjaspary
U stalicy Čechii abrabavali biełaruskuju Kłuboŭniu — miesca, dzie ŭžo šmat hadoŭ źbirajucca aktyvisty biełaruskaj dyjaspary.
24.12.2023 / 08:43
Uładzimier Arłoŭ padpisvaje svaje knihi paśla sustrečy z čytačami ŭ biełaruskaj Kłuboŭni ŭ Prazie, 2023 hod
Jak stała viadoma «Radyjo Svaboda», z pamiaškańnia vyniesieny stary kampjutar i prajektar. Bolš dakładnaja infarmacyja pra skradzienyja rečy zjavicca paźniej.
Biełaruskaja Kłuboŭnia — pamiaškańnie na adnoj z centralnych vulic Prahi, dzie ŭžo šmat hadoŭ źbirajucca aktyvisty biełaruskaj dyjaspary, ładziać palityčnyja dy kulturnickija mierapryjemstvy, sustrečy ź biełaruskimi apazicyjnymi palitykami, hramadskimi dziejačami, piśmieńnikami i mastakami. U vieraśni ŭ Kłuboŭni prachodziła siesija Rady BNR.
Tut ža raźmieščana i biełaruskaja biblijateka, jakaja naličvaje niekalki tysiačaŭ tamoŭ tvoraŭ mastackaj litaratury, vydańniaŭ pa historyi Biełarusi.
Palicyja prybyła na miesca, raspačataje śledstva.