Stała viadomaja kolkaść achviar na karabli «Novačarkask» u Fieadosii
33 maraki ličacca źnikłymi bieź viestak, 23 čałavieki paranienyja, adzin zahinuŭ u vyniku ŭkrainskaj ataki na karabiel «Novačarkask» u porcie Fieadosii, piša ASTRA sa spasyłkaju na svaje krynicy.
27.12.2023 / 10:13
Karabiel «Novačarkask» całkam vyharaŭ i zatanuŭ
Pavodle vydańnia, na miescy znojdzienyja abłomki rakiety Storm Shadow.
Pa infarmacyi kanała, u momant ataki nočču 26 śniežnia na vialikim desantnym karabli «Novačarkask» znachodzilisia 77 marakoŭ. Pa danych vydańnia, 33 ź ich ciapier ličacca źnikłymi bieź viestak, 19 paranienyja. Zahinuła ŭ vyniku ataki 64-hadovaja pracaŭnica achovy porta, jašče 4 cyvilnyja paranienyja.
Karabiel «Novačarkask» całkam vyhareŭ i zatanuŭ. Ekśpierty miarkujuć, što na karabli mahli być bieśpiłotniki ci rakiety, vybuch jakich stvaryŭ detanacyju.
Rasijski bok śćviardžaje, što ŭ vyniku ataki na «Novačarkask» adzin čałaviek zahinuŭ, dvoje atrymali ranieńni, a sam karabiel atrymaŭ «paškodžańni».
Čytajcie taksama:
Apublikavany zdymak «Novačarkaska» paśla ataki USU. Zialenski ŭ suviazi z hetym patroliŭ rasijan
USU zajavili pra źniščeńnie rasijskaha desantnaha karabla «Novačarkask» u Krymie