Jermałovič sychodzić z administracyi Łukašenki
Maksim Jermałovič budzie pracavać u Jeŭrazijskaj ekanamičnaj kamisii. Ciapier jon zajmaje pasadu namieśnika kiraŭnika administracyi Łukašenki.
27.12.2023 / 12:08
Vyšejšaja Jeŭrazijskaja ekanamičnaja rada zaćvierdziła novy skład Kalehii JEEK, jaki pačnie pracu 1 lutaha 2024 hoda pad kazachstanskim staršynstvam. Zamiest 73-hadovaha Michaiła Miaśnikoviča kamisiju ŭznačalić Bakytžan Sahintajeŭ.
Maksim Jermałovič budzie ministram pa kankurencyi i antymanapolnym rehulavańni JEEK, zaŭvažyŭ reform.by. Nahadajem, Jermałovič byŭ ministram finansaŭ va ŭradzie Siarhieja Rumasa. Potym jaho nakiravali pasłom u Vialikabrytaniju. U žniŭni 2022 hoda Jermałovič staŭ namieśnikam kiraŭnika administracyi Łukašenki.
Druhim pradstaŭnikom Biełarusi stanie staršynia Dziaržstandarta Valancin Tatarycki. Jon budzie ministram pa techničnym rehulavańni.