Усевалад Сцебурака. Зямля як казка. Верш
Усевалад Сцебурака апублікаваў у сваім фэйсбуку новы верш.
28.12.2023 / 12:35
Фота з фэйсбука Усевалада Сцебурака
цябе адчуваю брэйгелем
зімовай зямлі палоскай,
жывым запаветным берагам,
а ты пасьміхаешся босхам…
у ватоўцы падбітай дзюрамі
з адвечнай бядотай нейкай
ты кленчыш з рукамі дзюрэра
у цюрбанé ван эйка
і лёд пад канькамі трушчыцца,
і марна шукаць сховішча,
апроч як з зямлёю рушчыца
і з космасамі драздовіча.