U Biełarusi jość cyrulnia, dzie možna pastryhčysia za rubiel
Znachodzicca jana nie ŭ Minsku, a ŭ Mikaševičach, piša Onliner.by.
06.01.2024 / 09:44
Tam za rubiel vas pastryhuć nahała, i vam nie treba budzie turbavacca nakont šampuniaŭ. Kali vy dadaście jašče 5 rubloŭ, to staniecie ŭładalnikam raskošnaj madelnaj stryžki.
Niezdarma nazva sałona «Kachanaja» — zdajecca, tut kožny rubiel klijenta ceniać bolš, čym ułasnyja dachody. Prajs aformleny ŭ minimalistyčnym styli: fłamasteram na zvyčajnym arkušy papiery.
Mužčynskaja zała: nahała — rubiel, pad nasadku ekanom — 2, pad prosta nasadku — 4, madelnaja — 6 rubloŭ.
Žanočaja zała: stryžka čubčyka — 2 rubli, stryžka ekanom — 4, končyki padstryhuć za 6, a ŭ madel pieratvorać za 8.
Miarkujučy pa Instagram sałona, stryhucca tut u asnoŭnym padletki.
Čytajcie taksama:
Byłomu kiraŭniku Viciebska znajšli novuju pracu — daručyli cyrulni i rytualnyja kramy