Prosty śniadanak z novym akcentam: tvaroh z zapiečanymi kłubnicami
Z tvarahom vydatna spałučajucca zapiečanyja kłubnicy, aŭsianyja šmatki i kakosavaja stružka — razam jany stvarajuć smačny śniadanak, bahaty białkom.
16.06.2024 / 08:50
Fota: freepik.com
Mahčyma, spałučeńnie tvarahu i jahad ci sadaviny nie jość dla vas niečym novym, ale kali vy krychu padsmažycie truskałki, heta davoli istotna źmienić smak stravy. Zapiakańnie kłubnic uzmocnić ich smak i sałodkaść, a taksama dapamoža jahadam vypuścić krychu soku, što stvoryć naturalny sous dla źmiešvańnia z tvarahom.
- 1 kubak tvarahu
- 8 kłubnic, razrezanych na čvertki
- ¼ šklanki aŭsianych šmatkoŭ
- 2 stałovyja łyžki niesałodkaj kakosavaj stružki
- 2 čajnyja łyžki miodu ci klanovaha siropu + bolš, kali treba
- ščopać karycy
Jak hatavać:
- Razahrejcie duchoŭku da 180℃.
- Padrychtujcie składniki dla zapiakańnia: źmiašajcie kłubnicy, aŭsianyja šmatki, miod ci klanovy sirop, kakos i karycu ŭ nievialikaj miscy. Zaścialicie blachu pierhamientam i vykładzicie na jaje jahadnuju sumieś.
- Zapiakajcie jahadnuju sumieś kala 30 chvilin, pieramiašajcie adzin raz u siaredzinie hatavańnia. Dajcie jahadam astyć 5 chvilin.
- Vykładzicie tvaroh u misku. Dadajcie źvierchu zapiečanyja jahady i atrymlivajcie asałodu! Kali tvaroh niedastatkova sałodki, možna dadać krychu miodu ci klanovaha siropu.
Čytajcie taksama:
Brescki miasakambinat vypuściŭ vareniki z kakosam
Aŭsianka moža być asabliva karysnaj voś ź jakimi dadatkami
Recept na vychadnyja. Tvarožny piroh — prosty, chutki, smačny
«Karmuška», miod miadnicaj i skarynka chleba — łasunki ź minułaha