Znajšoŭsia dalnabojščyk, jaki mistyčna źnik u Rasii na pačatku hoda
Dźmitryj Bachankoŭ, 25-hadovy dalnabojščyk z Mahilova, źnik u Irkuckaj vobłaści Rasii na trasie «Sibir» na pačatku hoda: 1 studzienia jon pierastaŭ vychodzić na suviaź ź blizkimi, a nočču 3 studzienia palicejskija zaŭvažyli jaho adčynienuju furu biez kiroŭcy. Ciapier stała viadoma, što z chłopcam usio dobra — jon viarnuŭsia dadomu.
10.01.2024 / 10:47
Dźmitryj Bachankoŭ. Fota ź jaho staronki va «Ukantakcie»
Kala hoda Dźmitryj pracavaŭ u firmie Cargo Line Smolensk, naprykancy 2023-ha jon pajechaŭ u Manholiju — heta byŭ jahony pieršy doŭhi rejs. Chłopiec paśpieŭ paskardzicca rodnym 31 śniežnia, što prajechaŭ 1800 kiłamietraŭ za 27 hadzin, a paspać zmoh tolki 2 hadziny.
1 studzienia mužčyna pakinuŭ furu, uziaŭšy tolki svoj pašpart dy telefon — usie dakumienty na hruz zastalisia ŭ niezačynienaj kabinie Mercedes.
Pieršyja ślady źnikłaha dalnabojščyka znajšlisia 6 studzienia: palicyja Irkuckaj vobłaści paviedamiła, što Dźmitryja bačyli kala kafe «Šaman», jakoje znachodzicca na ŭjeździe ŭ viosku Šamanajeva Čaramchoŭskaha rajona. Tam jon sieŭ u aŭtobus, jaki jechaŭ da Irkucka. U toj ža čas u miascovych pablikach pačali źjaŭlacca paviedamleńni, što mužčyna nakiroŭvajecca ŭ Minsk.
Na pravasłaŭnaje Rastvo Dźmitryj patelefanavaŭ mamie z čužoha telefona. U hety ž dzień jaho znajšła palicyja i aficyjna paviedamiła pra toje, što z dalnabojščykam usio dobra. Ciapier chłopiec užo doma ŭ Biełarusi. Nijakich detalaŭ zdareńnia blizkija Dźmitryja nie raspaviadajuć, bo kažuć, što za tydzień pošukaŭ atrymali šmat niehatyŭnych paviedamleńniaŭ ad ludziej, jakija navat nie byli znajomyja z dalnabojščykam.
Čytajcie taksama:
Fura staić, a čałavieka niama: u Rasii źnik 25-hadovy dalnabojščyk z Mahilova
U Kazachstanie vyratavali 40 biełaruskich dalnabojščykaŭ, jakija trapili ŭ śniežny zanos
«Za 7 hadoŭ zarobak vyras amal udvaja». Kolki zarablajuć biełaruskija kiroŭcy ŭ Jeŭropie