Kiroŭcy dvuch biełaruskich aŭtobusaŭ jechali ŭ Litvu biez dazvołaŭ. Paciarpieli i pasažyry
U dvuch kiroŭcaŭ biełaruskich rejsavych aŭtobusaŭ nie było dazvołaŭ na pajezdku ŭ Litvu. Heta vyjaviła 16 studzienia Litoŭskaja administracyja biaśpieki transpartu. Pasažyraŭ vysadzili — im daviałosia dabiracca da vilenskaha aŭtavakzała samastojna.
17.01.2024 / 23:22
Fota: ltsa.lrv.lt
Na kiroŭcaŭ skłali pratakoł i aštrafavali na 2500 jeŭra.
Litoŭskaja administracyja biaśpieki transpartu ź lipienia 2023-ha rehularna praviaraje aŭtobusy, jakija pieravoziać pasažyraŭ ź Litvy ŭ Biełaruś i nazad rehularnymi i čartarnymi rejsami.
Na siońnia pravieryli 47 zarehistravanych u Biełarusi aŭtobusaŭ. Parušeńni byli zafiksavanyja amal va ŭsich vypadkach. Zarehistravana 24 vypadki, kali kampanii pieravozili pasažyraŭ ź Biełarusi ŭ Litvu biez dazvołaŭ na pajezdku, i 25 vypadkaŭ, kali parušaŭsia režym kiravańnia i adpačynku.
Čytajcie taksama:
Znajšoŭsia dalnabojščyk, jaki mistyčna źnik u Rasii na pačatku hoda
Kala pamiežnaha punkta propusku «Pryvałka» znoŭ sabrali i niekudy źvieźli ŭsie rovary