«Napad na lubuju sajuznuju nam dziaržavu budzie ličycca napadam na Biełaruś» — Hienštab
Biełaruś u adpaviednaści z novaj Vajennaj daktrynaj budzie razhladać napad na svaich sajuźnikaŭ jak napad na svaju terytoryju. Pra heta zajaviŭ načalnik infarmacyjna-analityčnaha ŭpraŭleńnia Hienštaba Uzbrojenych Sił Arciom Butoryn.
21.01.2024 / 20:55
«Napad na lubuju sajuznuju nam dziaržavu budzie ličycca napadam na Respubliku Biełaruś», — adznačyŭ Butoryn u efiry STB.
Jakija dziaržavy ličyć sajuznymi, jon nie ŭdakładniŭ.
Asobny raździeł u novaj Vajennaj daktrynie źbiare razam usie pałažeńni, jakija na siońniašni momant zamacavany ŭ mižnarodnych dahavorach, jakija Biełaruś ratyfikavała z sajuźnikami, u tym liku ŭ ramkach mižnarodnych arhanizacyj.
Vajennuju daktrynu pakažuć sioleta na Usiebiełaruskim narodnym schodzie, kab delehaty zaćvierdzili jaje.