У Варшаве беларус трапіў у ДТЗ з трыма аўтамабілямі
ДТЗ здарылася 12 студзеня каля 11.00 на вуліцы Старжынскага.
22.01.2024 / 14:58
Фота: паліцыя Варшавы
У варшаўскім раёне Прага-Поўнач адбылося сутыкненне трох аўтамабіляў, адным з якіх кіраваў беларус, паведамляе сайт «Беларусь і свет» са спасылкай на тамтэйшую паліцыю.
У аварыю трапілі легкавыя машыны KIA, Toyota і фургон Mercedes. Паводле папярэдніх звестак, 75-гадовая пасажырка KIA атрымала траўму хрыбетніка. Ёй аказалі першую дапамогу, зафіксавалі шыю і адправілі ў бальніцу.
Што тычыцца 78-гадовага кіроўцы Toyota і 30-гадовага кіроўцы Mercedes — нашага суайчынніка, яны не пацярпелі.
З-за здарэння рух па вуліцы некаторы час быў магчымым толькі па адной паласе, у тым ліку стаялі трамваі.