«14 dzion biez aŭtałaŭki». Žychary vioski ŭ Rahačoŭskim rajonie pastavili miascovy rekord žyćcia ŭ izalacyi
Paviedamleńnie ab prablemie było apublikavana siońnia ŭ rehijanalnym čacie ŭ vajbiery «Rahačoŭ. Narodny kantrol». Pa słovach udzielnicy čata Kaciaryny, vioska Barsuki na dva tydni akazałasia adrezanaj ad cyvilizacyi paśla śniehapadaŭ, zaŭvažyŭ «Fłahštok».
26.01.2024 / 23:25
Vioska Rahačoŭskaha rajona paśla śniehapadaŭ. Ilustracyjnaje fota z rehijanalnaha čata
«Vioska Barsuki ŭžo 14 dzion biez aŭtałaŭki, kožny dzień abiacajuć pačyścić darohu. Ale ŭsim naplavać na piensijanieraŭ, jakija tam žyvuć, adhavorak šmat, ale ŭsio heta padman… Adkaz adzin — «Amkador» nie moža pačyścić».
Žančyna taksama paviedamiła, što ŭ vioscy žyvie jaje babula, jakoj 87 hadoŭ:
«Jana zasłužyła, kab da jaje pryjechała aŭtałaŭka, kab jana kupiła sabie małaka i chleba. Ci jany ŭžo nie ludzi — im jeści i žyć nie treba. Heta ja nie kažu pra chutkuju dapamohu, jakaja nikoli tudy nie dajedzie».
Miascovyja słužby pahadzilisia ź isnavańniem prablemy. Darožniki paabiacali pačyścić darohu da Barsukoŭ da kanca dnia. Pradstaŭnik homielskaha «Abłspažyŭtavarystva» zajaviŭ, što aŭtałaŭka pajedzie adrazu paśla rasčystki darohi.
Vioska Barsuki małanasielenaja, ale znachodzicca na adlehłaści ŭsiaho adnaho kiłamietra ad rehijanalnaj trasy R-43.
Čytajcie taksama:
Ministr ŽKH raskazaŭ, jak chutka pavinny rasčyščać biełaruskija harady i vioski ad śniehu
Nadvorje niejkaje aby-što. A ŭ subotu jašče i pachaładaje
Raniej asudžanych biełarusaŭ adpraŭlajuć prybirać śnieh nie tolki ŭ Minsku