Nazvanyja samyja papularnyja mabilniki ŭsich časoŭ i narodaŭ. Jany, napeŭna, byli ŭ kožnaj treciaj biełaruskaj siamji
Zrobleny rejtynh samych pradavanych mabilnych telefonaŭ za ŭvieś čas. A faktyčna z pačatku XXI stahodździa.
29.01.2024 / 10:30
Fota: amazon.com
Samym papularnym mabilnym telefonam za ŭvieś čas u historyi staŭ knopkavy Nokia 1100, napisaŭ partał Visual Capitalist.
Fłahmanskaja knopkavaja Nokia 1100 vyjšła ŭ 2003-m. Z pačatku prodažaŭ pa ŭsim śviecie kupili 250 miljonaŭ takich mabilnikaŭ.
Druhoje miesca rejtynhu zaniała jašče adna knopkavaja Nokia, 1110, jakoj było pradadziena 248 miljonaŭ štuk.
Treciaje miesca ŭ śviecie pa prodažach u historyi zaniaŭ iPhone 6, jakoha razam z madyfikacyjaj Plus, było pradadziena 222 miljony štuk. Pry hetym «šosty» iPhone — taksama samy pradavany ŭ śviecie smartfon ź vialikim sensarnym ekranam.
Zamykajuć piaciorku lidaraŭ Nokia 105 (200 miljonaŭ štuk) i iPhone 6s/6s Plus (174 miljony smartfonaŭ).