U Minsku sa MKAD źnik samalot
Kudy jon dzieŭsia i što budzie na jaho miescy.
02.02.2024 / 13:02
Fota: Blizko.by
Ź Minskaj kalcavoj aŭtadarohi źnik samalot, jaki stajaŭ la pavarotu na DTSAAF. Blizko.by vyśvietliła, što ź im stała i što budzie na jaho miescy.
Samalot Jak-52 pastavili na piłonie pamiž 3-m i 4-m kiłamietrami MKAD na źjeździe na Lipkaŭskuju vulicu — tam, dzie znachodzicca Minski aerakłub DTSAAF imia Siarhieja Hrycaŭca. Jon nios na sabie bartavy numar EW-32070HM i słovy «Minski aerakłub» na kryłach.
Ale niejki čas tamu samalot raptam źnik. Čytač dasłaŭ u redakcyju fatahrafiju pustoha piłona.
Fota: Blizko.by
Blizko.by źviazaŭsia ź minskim aerakłubam i vyśvietlili, što stała z samalotam i što płanujecca dalej. Pradstaŭnik aerakłuba raspavioŭ, što samalot źniali kala miesiaca tamu:
— Samalot źniali na ramont. I, mahčyma, buduć viešać inšy. Avijamuziej z Baravoj pierajechaŭ da nas u Lipki, i ciapier vyrašajuć: albo jaho pafarbavać i viarnuć na miesca, albo pastavić u muziej, a zamiest jaho inšy samalot pastavić. Ale heta stanie jasna ŭžo viasnoj.
U taho ž źjezdu na Lipki jašče ŭstalavany makiet viertalota z bartavym numaram EW-101by. Jon adnosicca da dziaržaŭnaj avaryjna-vyratavalnaj ustanovy «Avijacyja» pry MNS.
Čytajcie taksama: