Japonskaja ŭkrainka admoviłasia ad tytuła «Mis Japonija». Padviało ryzykoŭnaje kachańnie
Uradženka Ukrainy Karalina Siina, jakaja raniej siensacyjna pieramahła ŭ konkursie «Mis Japonija», admoviłasia ad karony, paviedamiła vydańnie The Japan Times. Heta pieršy vypadak u historyi konkursu, kali pieramožca admoviłasia ad tytuła.
05.02.2024 / 20:07
Karalina Siina. Fota: karolina0824 / Instagram
Skandał uspychnuŭ paśla publikacyj u japonskich miedyjach pra adnosiny, jakija źviazvajuć Karalinu Siina z žanatym lekaram. Arhanizatary konkursu «Mis Japonija», pravieryŭšy infarmacyju, paćvierdzili jaje, ale śćviardžali, što dziaŭčyna nie viedała pra šlub svajho bojfrenda.
Paśla, adnak, było dakazana advarotnaje. U vyniku dziaŭčyna paprasiła prabačeńnia za padman i aficyjna admoviłasia ad tytuła «Mis Japonija». Arhanizatary hetaje rašeńnie padtrymali.
Nikomu z udzielnic minułaha konkursu karonu pieradavać nie buduć, da nastupnaha hoda jana zastaniecca vakantnaj.
Hety vypadak — pieršy ŭ historyi konkursu «Mis Japonija», kali pieramožca admoviłasia ad tytuła.
Čytajcie taksama:
Pieramožcaj konkursu pryhažości «Mis Suśviet» stała pradstaŭnica Nikarahua