Маршрутка была на «лысай» гуме. Падрабязнасці аварыі ў Бярэзінскім раёне
Сёння днём паблізу вёскі Васілеўшчына ў ДТЗ з маршруткай пацярпелі 8 чалавек.
07.02.2024 / 14:45
Следчыя ўстанавілі, што гума на пярэдняй восі мікрааўтобуса непрыдатная для эксплуатацыі з прычыны зносу.
Па папярэдняй інфармацыі, кіроўца маршруткі падчас руху адцягваў увагу, глядзеў у мабільны тэлефон. Пасажыры рабілі яму заўвагі і нават знялі гэта на камеру мабільнага тэлефона за некалькі секунд да аварыі.
Неабходна адзначыць, што 31-гадовы мужчына неаднаразова прыцягваўся да адказнасці за парушэнні, звязаныя з перавозкай пасажыраў, а ў кастрычніку мінулага года, кіруючы маршруткай, быў вінаватым у ДТЗ.
Следчымі распачата крымінальная справа па ч.2 арт.317 (парушэнне правілаў дарожнага руху, якое прыцягнула па неасцярожнасці прычыненне цяжкага цялеснага пашкоджання).
Чытайце таксама:
У Бярэзінскім раёне маршрутка напаролася на дарожную агароджу
Як маршрутны бізнэс прагінаюць пад дзяржаўныя аўтапаркі
«Стаміўся прыбіраць салон». Кіроўцы абурыліся перакусам пасажыраў у маршрутках