Tvitar časova prypyniŭ dziejańnie akaŭnta Julii Navalnaj, ale nieŭzabavie adnaviŭ
«Dziejańnie ŭlikovaha zapisu prypyniena. X prypyniaje dziejańnie ŭlikovych zapisaŭ, jakija parušajuć praviły X», — havaryłasia na staroncy Navalnaj.
20.02.2024 / 15:50
Raniej karystalniki sacsietki X vyjavili, što akaŭnt Navalnaj (jaki byŭ stvorany ŭčora) trapiŭ pad cieniavy ban. Praz heta tvity Navalnaj možna było ŭbačyć pa pramych spasyłkach, ale ŭ kamientarach abo cytatach jaje paviedamleńni nie adlustroŭvalisia.
Ale vyhladaje, čto hetaje błakavańnie było vynikam dziejańnia niejkich aŭtamatyčnych ałharytmaŭ, bo niedzie praz 45 chvilin paśla jaho akaŭnt Navalnaj byŭ adnoŭleny.
Na staronku Julii Navalnaj za sutki padpisalisia bolš za 90 tysiač čałaviek, piša «Mieduza».
Julija Navalnaja zaviała svoj akaŭnt 19 lutaha i apublikavała tam svoj videazvarot, u jakim paabiacała praciahnuć spravu muža.
Sacsietka Ch — były tvitar — naležyć amierykanskamu biznesmienu Iłanu Masku.
Čytajcie taksama:
«A chto jon taki?» — reakcyja botaŭ na naviny pra śmierć Navalnaha
Aleksijevič: Novy Hitler z novymi technałohijami strašniejšy za toje, što my viedajem z historyi