Vykładčyka katechizisa z kafiedralnaha kaścioła buduć sudzić pa čatyroch kryminalnych artykułach
21 lutaha Minski haradski sud pačnie razhladać kryminalnuju spravu Uładzisłava Bieładzieda. Infarmacyja pra heta źjaviłasia ŭ raskładzie sudovych pasiadžeńniaŭ na sajcie Viarchoŭnaha suda, zaŭvažyŭ Reform.by.
20.02.2024 / 20:47
Vykładčyk katechizisa ŭ minskim Archikafiedralnym kaściole Imia Najśviaciejšaj Panny Maryi Uładzisłaŭ Bieładzied abvinavačvajecca pa čatyroch artykułach: raspalvańnie varožaści (č.1 art. 130 KK), raspaŭsiudžvańnie i vyrab parnahrafii (č. 1 art. 343 KK), abraza Łukašenki (č. 1 art. 368 KK) i abraza pradstaŭnika ŭłady (art. 369 KK).
Uładzisłava Bieładzieda zatrymali ŭ traŭni 2023 hoda. U zapisanym siłavikami videa jon skazaŭ, što supracoŭniki kaścioła, maŭlaŭ, padtrymlivali pratesty ŭ 2020 hodzie, chavali pratestoŭcaŭ, a jon asabista sačyŭ ź viežy za pieramiaščeńniem milicyi i nibyta padavaŭ sihnały. «My zvanili ŭ zvany, kab ludzi viedali, što ruchajucca supracoŭniki milicyi», — skazaŭ Bieładzied pradyktavanyja siłavikami słovy na videa.
Uładzisłaŭ Bieładzied — katalicki sieminaryst, jaki prachodziŭ praktyku ŭ Minskim archikafiedralnym kaściole. U 2020-m mužčyna padtrymaŭ ruch za svabodnyja vybary i publična maliŭsia za mir u Biełarusi.
Jaho imia ŭzhadvajecca ŭ šerahu «ruskamirskich» artykułaŭ pra suviaź biełaruskaha katalictva i arhanizataraŭ pratestaŭ (da prykładu, u artykule «Kataliki i polskaja podbiŭka biełamajdanu» ad tak zvanaha «Fondu stratehičnaj kultury»).
Čytajcie taksama:
Padčas vobšuku ŭ minskaj archikafiedry śviataroŭ bili — «Biełsat»
Suprać Uładzisłava Bieładzieda z kafiedralnaha kaścioła raspačali kryminalnuju spravu
U minskim archikafiedralnym sabory byŭ pieratrus — «Chryścijanskaja vizija»
HUBAZiK raskazaŭ, u čym vinavaciać katalickaha sieminarysta Uładzisłava Bieładzieda