Deputaty Bundestaha prahałasavali suprać pastavak Ukrainie rakiet Taurus
Prapanova parłamienckaj hrupy CHDS/CHSS, u jakoj naŭprost zhadvałasia hetaja niamieckaja sistema ŭzbrajeńnia, nie atrymała bolšaści hałasoŭ.
22.02.2024 / 16:22
Fota: Wikimedia Commons
Niamiecki parłamient prahałasavaŭ suprać prapanovy apazicyjnaha błoka CHDS/CHSS z patrabavańniem ab pašyreńni vajennaj dapamohi Ukrainie, jakaja ŭklučaje pastaŭki rakiet Taurus, piša Deutsche Welle.
Taurus — niamiecka-šviedskaja avijacyjnaja kryłataja rakieta kłasa pavietra-pavierchnia vialikaj dalokaści, pryznačanaja dla vysokadakładnych udaraŭ.
Prapanova parłamienckaj hrupy CHDS/CHSS, u jakoj naŭprost zhadvałasia hetaja niamieckaja sistema ŭzbrajeńnia, nie atrymała bolšaści hałasoŭ — «za» prahałasavali ŭsiaho 182 deputaty Bundestaha, suprać — 480, jašče piaciora ŭstrymalisia, paviedamlaje Die Welt.
Na minułym tydni na Miunchienskaj kanfierencyi kancler Šolc uchiliŭsia ad adkazu na pytańnie ab pastaŭkach rakiet Taurus Ukrainie. «Hetaje pytańnie dziŭnaje — vy viedajecie, što Niamieččyna tracić (na pastaŭki zbroi va Ukrainu) bolš za ŭsich u Jeŭropie», — zajaviŭ kancler. Pavodle jaho słoŭ, u minułym hodzie Bierlin akazaŭ Kijevu dapamohi na 12 młrd jeŭra.
Uviesnu minułaha hoda Ukraina źviartałasia da Niamieččyny z aficyjnym zapytam, u jakim prasiła dać joj kryłatyja rakiety Taurus. Urad Niamieččyny admaŭlaŭsia rabić heta, aścierahajučysia eskałacyi kanfliktu.
Čytajcie taksama:
Zialenski: Pucin źjeść vas na viačeru z usimi vašymi ES, NATA, svabodaj i demakratyjaj
Vialikabrytanija, vierahodna, pastaviła Ukrainie rakiety z bolšaj dalnabojnaściu, čym zajaŭlałasia
ZŠA daduć Kijevu dalnabojnyja rakiety ATACMS. Što viadoma i čamu heta važna