У Грузіі затрымалі 10 чалавек за распаўсюд наркотыкаў. Сярод іх — грамадзяне Беларусі
Затрыманні праходзілі ў Тбілісі, прыгарадным пасёлку Панічала, горадзе Азургеці і Батумі.
02.03.2024 / 13:59
Дзесяць чалавек затрыманыя ў Грузіі за розныя злачынствы, звязаныя з наркотыкамі, паведамляе Newsgeorgia.ge са спасылкай на прэс-службу МУС.
Сярод абвінавачаных — грамадзяне Грузіі, Беларусі і Ізраіля. У іх ліку двое ўмоўна асуджаных непаўналетніх, і яшчэ трое асоб маладзейшых за 30 гадоў.
Затрыманні праходзілі ў Тбілісі, прыгарадным пасёлку Панічала, горадзе Азургеці і Батумі. Удзел у аператыўна-следчых мерапрыемствах прымалі розныя падраздзяленні паліцыя і супрацоўнікі Службы дзяржбяспекі Грузіі.
Па выніках рэйдаў канфіскаваныя 440 таблетак экстазі, да 3 кг опію-сырца, 31 Упакоўка «бія», какаін, марыхуана, гашыш, субаксон, амфетамін.
Па выніках ператрусу у дамах двух меркаваных наркагандляроў у Панічала выяўлена вялікая колькасць наяўных грошай — 97,3 тысячы даляраў, 6 тысяч лары, 2,8 мільёна расійскіх рублёў.
У Аджарыі разам з грашыма паліцыянты знайшлі ў доме падазраванага матэрыялы, неабходныя для ўпакоўкі наркотыкаў, электрычныя шалі, сігнальны пісталет і патроны.
Чытайце таксама:
У Кіеве журналісты знайшлі прадаўца яду, які актыўна гандлюе ім на анлайн-рынку самагубцаў
Якая сітуацыя з наркотыкамі на фронце?
Ва Украіне за наркотыкі затрымалі беларускага добраахвотніка. Пагражае да 12 гадоў