«FSB zabrała telefon u mamy». Syn zabitaha ŭ Karelii biełarusa raskazaŭ, što adbyvajecca
6 sakavika 2024 hoda ŭ horadzie Ałaniec u rasijskaj Karelii pry pakul niezrazumiełych abstavinach byŭ zabity biełarus Mikałaj Alaksiejeŭ. Rasijskija ŚMI paviedamlajuć, što jaho pry zatrymańni zabili supracoŭniki FSB.
07.03.2024 / 11:24
Mikałaj Alaksiejeŭ (sprava) u 2020
Adzin z synoŭ Mikałaja paćvierdziŭ śmierć baćki.
Uładź raspavioŭ, što jaho maci — žonka aktyvista, — zaraz pajechała ŭ morh. Telefon u jaje adabrała FSB.
«U taty čaćviora dziaciej. Ja — jaho poŭnaja kopija. I byŭ jaho lubimčykam. My ź im zaŭsiody byli razam, — kaža Uładź. —
Tata byŭ vydatnym čałaviekam. Jon nie moh u kahości strelić. Ën byŭ hłybokim viernikam, pastajanna maliŭsia. My ź im razam u chram chadzili».
Pa słovach syna, apošnim časam Mikałaj Alaksiejeŭ pracavaŭ na vachcie.
Čytajcie taksama:
Što viadoma pra biełaruskaha aktyvista Mikałaja Alaksiejeva, jakoha ŭ Karelii zabiła FSB
U Karelii FSB zabiła biełarusa. Jaho zapadozryli ŭ padrychtoŭcy dyviersii