U Minsku źjaviacca novyja tramvai
U Biełkamunmašy raskazali, u čym budzie ich asablivaść.
13.03.2024 / 11:32
U Minsku nizkapadłohavych tramvajaŭ na maršrutach jašče niama, raskazaŭ «Minsk-Navinam» hiendyrektar pa inavacyjnym raźvićci Biełkamunmaša Aleh Bycko. Ich biełaruskaje pradpryjemstva pastaŭlaje, naprykład, u Rasiju.
— My pracujem u try źmieny i tolki pad zaklučanyja kantrakty. Na hety hod usio raśpisana, užo jość zakazy na 2025-y. Naohuł ža pavinien zaŭvažyć, što mienčukam na zabiaśpiečanaść novym hramadskim transpartam nie davodzicca skardzicca. U mnohich haradach Rasii siaredni ŭzrost tramvajaŭ składaje 30 hadoŭ, tralejbusaŭ — kala 20, — raskazaŭ Aleh Bycko.
Ale paabiacaŭ, što nizkapadłohavyja tramvai pa vulicach stalicy pajeduć.
— Usiaho dla Minska ŭžo sioleta pastavim 20 novych vahonaŭ. Płanujecca, što jany atrymajuć paznavalnuju biruzovuju afarboŭku, — dadaŭ jon.
Čytajcie taksama:
U centry Minska lehkavik najechaŭ na śviatłafor. U mašyny vyrvała piarednija koły
Pjany minčuk skraŭ motabłok, ale daloka źjechać nie zmoh. Što pryznačyŭ sud?