Byłaja žonka Kalcova vystaviła dopis pra jaho. Sabalenka łajknuła
Julija Michajłava, byłaja žonka eks-chakieista Kanstancina Kalcova, jaki mierkavana skončyŭ žyćcio samahubstvam u paniadziełak, napisała pra jaho dopis u instahramie.
21.03.2024 / 17:13
«18 sakavika maje dzieci stracili tatu. Prajšło 3 dni, a ŭśviedamleńnie ŭsio nie prychodzić. Dziakuj usim za vaša ciapło i padtrymku ŭ hety ciažki dla nas čas.
Dziakuj za vaša ciarpieńnie i razumieńnie. Ja viedaju dla mnohich z vas Kanstancin byŭ blizkim čałaviekam, siabram, tavaryšam pa hulni. I vy chacieli b ź im hodna raźvitacca.
Pachavańnie adbudziecca ŭ Minsku. Pakul, na žal, nie mahu paviedamić dakładnuju datu», — napisała Julija Michajłava.
Siarod inšych hety dopis łajknuła i tenisistka Aryna Sabalenka, jakaja ŭ apošni pieryjad žyćcia Kalcova mieła ź im ramantyčnyja suviazi.
Čytajcie taksama:
Sabalenka pra hibiel Kalcova: Choć my bolš nie byli razam, majo serca raźbitaje
«Jon pasvaryŭsia». Pieršy trenier Kalcova ličyć, što jaho hibiel źviazanaja ź siamiejnymi prablemami