Biełarusy zhulali ŭ futboł z čarnahorcami, vynik tak sabie. VIDEA hałoŭ
21 sakavika zbornaja Biełarusi pa futbole zhulała ŭ tureckaj Antalji tavaryski matč suprać kamandy Čarnahoryi. Biełarusy sastupili — 0:2, choć vynik moh być i inšym.
21.03.2024 / 22:08
Fota: team.abff.by
Abodva miačy čarnahorcy zabili jašče ŭ pieršym tajmie. Na 27-j chvilinie lik adkryŭ Adam Marušyč.
Pierad samym śvistkom na pierapynak druhi raz vyznačyŭsia Nikoła Krstovič.
U druhim tajmie biełarusy mieli dobruju mahčymaść skaracić adryŭ ź pienalci, ale Maks Ebonh hetuju mahčymaść zmarnavaŭ.
26 sakavika Biełaruś zhulaje ŭ haściach tavaryski matč sa zbornaj Malty, a 8 červienia čakaje ŭ Minsk rasiejcaŭ. Heta, darečy, budzie pieršaja hulnia na svaim poli za 3 hady.
Čytajcie taksama:
Jašče adzin hulec z čempijanatu Biełarusi moža pierajści ŭ top-čempijanat