Зяленскі назваў Пуціна нікчэмнасцю, каментуючы тэракт у «Крокусе»
У сваім сённяшнім традыцыйным вячэрнім відэазвароце прэзідэнт Украіны Уладзімір Зяленскі гаварыў пра ўчарашні тэракт у маскоўскім канцэртным комплексе «Крокус Сіці Хол» і рэакцыю на яго расійскага кіраўніцтва.
23.03.2024 / 22:53
Уладзімір Зяленскі. Фота: AP
На думку Зяленскага, тое, што адбылося, Пуцін і яго прыхільнікі будуць спрабаваць зваліць на некага іншага.
«Гэта ўжо было. І ўзарваныя дамы былі, і расстрэлы, і выбухі. І заўсёды яны абвінавачваюць іншых», — падкрэсліў Зяленскі.
«Яны прыйшлі ва Украіну, спальваюць нашы гарады — і Украіну ж спрабуюць абвінаваціць. Яны катуюць, гвалтуюць нашых людзей — і іх жа абвінавачваюць. Яны сюды, на ўкраінскую зямлю, нагналі сотні тысяч тэрарыстаў сваіх, ваююць супраць нас, і ім усё роўна, што адбываецца ўнутры іх жа краіны», — звярнуў увагу ён.
«Учора яшчэ ўсё гэта адбылося, і гэтая нікчэмнасць Пуцін, замест таго каб займацца сваімі грамадзянамі Расеі, звяртацца да іх, суткі маўчаў — думаў, як гэта прыцягнуць да Украіны», — абураецца ўкраінскі прэзідэнт.
Ён выказаў упэўненасць, што тэрарысты заўсёды павінны прайграваць, і што «мы павінны ўсім светам абараняцца ад тых, хто лічыць людзей проста расходным матэрыялам».
Чытайце таксама:
Тэракт у «Крокус Сіці Холе» пад Масквой. Што вядома па стане на вечар суботы
Пуцін пра ўдзельнікаў тэракту: Яны спрабавалі рухацца ў бок Украіны
У Крамлі далі ўказанне дзяржаўным і лаяльным уладзе СМІ падкрэсліваць у тэракце «ўкраінскі след»