Kaardynacyjnaja rada apublikavała hrafik svajoj vybarčaj kampanii
Vybarčaja kamisija dla praviadzieńnia vybaraŭ u Kaardynacyjnuju radu ciapier u pracesie farmavańnia. Ciaham sakavika projdzie hałasavańnie KR pa składzie vybarčaj kamisii, paviedamlajecca ŭ telehram-kanale Kaardynacyjnaj rady.
25.03.2024 / 17:54
Da 15 krasavika maje skončycca farmavańnie śpisaŭ vybarčych subjektaŭ i padača dakumientaŭ na rehistracyju ŭ kamisiju. Zapłanavany dedłajn u rehistracyi kandydataŭ — 22 krasavika.
Pavodle płanaŭ, ahitacyja zojmie adzin miesiac — z 25 krasavika pa 25 traŭnia. Hałasavańnie praciahniecca try dni, z 25 pa 28 traŭnia 2024 hoda. Pieršyja vyniki abjaviać nie paźniej za 29 traŭnia. Na padaču i razhlad skarhaŭ zakładzieny pieryjad z 29 traŭnia pa 8 červienia. Kančatkovyja vyniki vybaraŭ buduć abvieščanyja 8 červienia 2024 hoda.
Pieršaje pasiadžeńnie Kaardynacyjnaj rady treciaha sklikańnia płanujuć pravieści 15 červienia 2024 hoda.
Čytajcie taksama: