Špakoŭski raskazaŭ, jakoje pytańnie choča prabić praz parłamient
Bondarava prosić zakinuć słoŭca i za jaje ideju.
31.03.2024 / 20:48
Alaksandr Špakoŭski. Skryn ANT
Novaśpiečany deputat Alaksandr Špakoŭski choča, kab u Minsku da 80-hodździa Pieramohi pastavili konny pomnik maršału Kanstancinu Rakasoŭskamu.
«Łahična, kab na adnajmiennym praśpiekcie. Maju namier padniać hetaje pytańnie na ŭzroŭni parłamienta. Treba zaručycca padtrymkaj staličnych uładaŭ, kaleh — deputataŭ Minharsavieta, adnapartyjcaŭ z «Biełaj Rusi».
Lehiendarny skulptar Valancin Zankovič, niahledziačy na stały ŭzrost, hatovy ŭziacca za hetuju śviatuju spravu», — napisaŭ u svaim telehram-kanale Špakoŭski, natchniŭšysia takim pomnikam u Maskvie.
Prarasijskaja aktyvistka Volha Bondarava paśpiašałasia vyvieści ideju na novy ŭzrovień.
«Da 80-hodździa Pieramohi nam patrebny pomnik Iosifu Visaryjonaviču Stalinu — hienieralisimusu, viarchoŭnamu hałoŭnakamandujučamu, biez mudraści jakoha nie było b hetaj Vialikaj Pieramohi. Nas by z vami nie było.
Rakasoŭski — heta vydatna. Ale padnimicie, pavažany tavaryš Špakoŭski, u parłamiencie pytańnie ab ustalavańni pomnika Stalinu», — prapanavała jana.
Čytajcie taksama:
Ź minskich deputataŭ Pałaty najmienšuju padtrymku namalavali Špakoŭskamu — šmat LIČBAŬ